Во Владата денеска е потпишан договор за заем со Европската банка за обнова и развој (ЕБРД) за обнова на возен парк за потребите на ЖРСМ Транспорт АД Скопје.
-Денес зборуваме за нешто што со децении беше занемарувано, а е од суштинско значење за економијата, извозот и европската иднина на нашата државата, а тоа е железницата, рече Мицковски на обраќањето во Владата.
Со особено задоволство објавуваме инвестиции во железничкиот транспорт во изност од 21 милион евра наменети за набавка на до 5 нови електрични локомотиви заедно со неопходни резервни делови. Оваа инвестиција ќе се реализира преку договор за заем помеѓу МЖ Транспорт и Европската банка за обнова и развој (ЕБРД).
На овој договор претходела темелна анализа за реалните потреби, функционалност и оперативноста на МЖ Транспорт истакна премиерот Христијан Мицкоски во своето обраќање.
-Без модерна и функционални локомотиви железницата не може да ја исполни својата економска улога. Мораме искрено да кажеме дека состојбата којашто ја наследивме беше во катастрофална состојба и до неодамна МЖ Транспорт немаше ниту една целосно функционална локомотива. Повеќе од 20 меѓународни товарни композиции беа стопирани во Гевгелија без можност товарот да се транспортира кон европските пазари, рече Мицкоски.
