Навид Акрам (24), еден од осомничените за терористичкиот напад на плажата Бонди во Сиднеј, се разбуди од кома и во моментов е подложен на испрашување од страна на полицијата.
Навид и неговиот татко Саџид Акрам (50) се обвинети за убиство на 15 лица кои ја прославувале Ханука на плажата во неделата, во најсмртоносното масовно пукање во Австралија во последните 30 години.
Таткото, Саџид, почина на местото на настанот откако бил застрелан од полицијата додека се криел на пешачки мост со својот син. И покрај тоа што бил повеќепати застрелан од „храбрите полицајци“, Навид бил итно префрлен во болница, каде што паднал во кома, но се разбудил денеска, според соопштението од полицијата на Нов Јужен Велс.
Во нападот, двајцата вооружени мажи убија 15 невини луѓе, а десетици оставија хоспитализирани. Најмладата жртва било 10-годишно девојче по име Матилда, додека најстарата имала 87 години.
Полицијата, која го нарече нападот „пукање што се случува еднаш во животот“, ги пофали бестрашните постапки на детективот кој се криел зад дрво пред да испука рафал кон таткото.
Службениците пронајдоа и клучен доказ – снимка во Airbnb изнајмен пред нападот. На неа, таткото и синот позираат со оружје и разговараат за своите екстремистички ставови.
Пред нападот, Акрамови штотуку се вратиле во Сиднеј по едномесечен престој на Филипините, кое е познато како жариште на исламскиот екстремизам. За време на изнајмувањето на имотот во Кемпси (19 км од Бонди) пред нападот, тие на своето семејство му кажале дека се на риболов.
