Пристигна технологија која веќе го менува начинот на кој се изведуваат операции низ светот. Станува збор за ExcelsiusGPS™️ – првиот и единствен роботски навигациски систем во светот што овозможува хируршки зафати на ‘рбетниот столб и на мозокот со неверојатна прецизност и сигурност. Оваа напредна технологија ја носи водечки производител на медицински уреди, Глобус Медикал со цел да го модернизира здравствениот систем и да понуди врвна нега за пациентите во државава. Роботот се користи во водечки болници низ САД, Европа и Азија и сега по првпат е достапен и во регионот.
Првиот и единствен роботски навигациски систем, чија презентација се одржа денеска на Клиниката за трауматологија под раководство на д-р Игор Мерџаноски, комбинира навигација во реално време со роботска рака која на хирургот му овозможува точно и безбедно поставување на импланти и инструменти. Тоа значи минимална можност за грешка, побрзо заздравување, пократок престој во болница и значително намалување на болката кај пациентите.
Воведувањето на првиот и единствен роботски навигациски систем во македонските болници би бил голем чекор напред за нашето здравство. Оваа технологија не само што им помага на лекарите да работат побрзо и попрецизно, туку и го подигнува нивото на нега кое го добиваат пациентите.
Водечкиот производител на медицински уреди е отворен за соработка со државни и приватни болници, медицински факултети и институции во државава. Ќе се организираат бесплатни обуки за хирурзи и медицински персонал, како и јавни презентации за граѓаните за да се запознаат со придобивките од оваа технологија.
Првиот и единствен роботски навигациски систем претставува ново поглавје во македонската медицина, а пациентите во државава ќе добијат третман по највисоки светски стандарди.
