На Скопје му треба силна трансформација, градски воз, нови еколошки автобуси, нова инфраструктура! Градски воз, тоа е нешто што го ветивме и ќе го реализираме. Избран е Изведувач и потпишан е договор за првата делница од Зелениково, преку Драчево, помеѓу населбите Кисела Вода и Аеродром и завршува на новата железничка станица. ЈСП треба да има целосна промена на флотата, набавуваме 120 еколошки автобуси, 80 за Град Скопје и 40 за другите општини. Идниот градоначалник Орце Ѓорѓиевски ќе има силен партнер во мене, во премиерот Мицкоски, во Владата и во министерството за транспорт, напиша на Фејсбук министерот за транспорт, Александар Николоски.
