Европската Унија моментално има 450,4 милиони жители, 1.070.702 повеќе од претходната година, што претставува четврта година по ред во која бројот на жители на Унијата се зголемил, покажаа податоците на Евростат.
Зголемувањето на бројот на жители се припишува на зголемените миграциски движења по пандемијата на ковид-19, а од 2012 година, негативната природна промена, т.е. повеќе смртни случаи отколку раѓања, на населението на ЕУ е надмината од позитивната нето миграција.
Населението на ЕУ се зголеми од 354,5 милиони во 1960 година на 450,4 милиони на 1 јануари 2025 година, што е зголемување од 95,9 милиони луѓе.
