Одомаќинетата корупција во државата го попречува патот кон ЕУ. Денеска заменик амбасадорот на ЕУ за Македонија, ги потсети крупните политички актери дека корупцијата не парира со демократскиот и економскиот напредок на државата.
„Како што знаеме сите, корупцијата е сериозен проблем во Северна Македонија и во Западниот Балкан, а тоа е внесено и во консекутивните извешаи на ЕУ. Таа има влијае не само врз демократијата, туку и врз економскиот развој на државата и на регионот, но исто така влијае и на нивниот европски пат“ изјави Бен Нупнау, заменик-шеф на делегацијата на ЕУ во Скопје.
Дополни дека корупцијата мора да биде забележана првенствено од политички лидери, а граѓанскиот сектор треба да бара транспарентност и oдговорност од институциите.
Кој како ја зема власта, ја заробува државата. Ова е феномен во изминатите 10 години, смета и Кржаловски од Македонскиот центар за меѓународна соработка.
„Заробената држава, односно како институциите не функционираат, односно се заробуваат од страна на владејачките партии што треба да го согледаме како феномен и превенираме за понатаму, бидејќи тоа го кочи развојот на државите. Бидејќи се губи довербата во системот како што викаат и самите политичари и со тоа институциите не ја извршуваат својата функција, корупцијата расте, а развојот е намален“, ијзави Кржаловски од МЦМС.
Последното истражување на МЦМС, објавено минатата година покажува дека 31% од граѓаните се соочиле со ситуација во која им било побарано мито. 26% од испитаниците потврдиле дека дале мито за да завршат одредена работа.
На денешната панел дискусија „Борба против корупцијата“, се судрија ставовите на политичарите и невладиниот сектор за имплементација на иновации против нелегалната моќ, во организација на Македонскиот центар за меѓународна соработка.
