Унгарскиот премиер Виктор Орбан денес изјави дека Унгарија нема да ја признае пресудата против претседателот на Република Српска Милорад Додик.
Орбан на предавање на MCC Fest во Естергом рече дека е „неприфатливо“ „регент“ делегиран од Европската Унија да разрешува и да суди претседател избран од босанските Срби, објави MTI.
Унгарскиот премиер додаде дека чекорот не е преземен поради корупција, туку затоа што Додик не ги спроведе одредени одлуки што дојдоа од ЕУ.
„Претседателот Додик останува избран лидер на Србите што живеат во Босна и ние ќе ја обликуваме нашата политика соодветно“, рече тој.
Орбан рече дека Европската Унија пропуштила „историска можност“ да ги интегрира новите држави што се појавија по распадот на Југославија.
Тој рече дека Унгарија мора да создаде историски сојуз со Србите.
„Значи, ако Унгарија сака да остане силна, не може да го стори тоа без сојуз со Србите. А на Србите им е потребна и соработка со Унгарија“, додаде Орбан.
Апелациониот оддел на Судот на Босна и Херцеговина во петок ја потврди првостепената пресуда против претседателот на Република Српска, Милорад Додик.
Додик беше осуден на една година затвор и шестгодишна забрана за политичка активност со првостепената пресуда, поради непочитување на одлуките на Кристијан Шмит.
