Сопственикот на Пуцко Петрол Асмил Јахоски осомничен за набавката на мазут за ТЕЦ Неготино е ослободен од притвор.
Апелација ја уважи неговата жалба прифачајќи парична гаранција и недвижен имот. За осомничениот се определува мерка на претпазливост и одземање на патната исправа.
Решението на Основниот кривичен суд Скопје, го преиначи на начин што ја укина мерката притвор определена спрема осомничениот А.Ј. со прифаќање гаранција во износ од 986.540,00 евра, во денарска противвредност од 60.672.235,00 денари, со ставање хипотека на недвижен имот во корист на Македонија и износ од 72.000.000,00 денари готови пари Послената сума како дел од гаранцијата понуден и претставува паричен износ еднаков на претпоставената штета за која осомничениот се сомничи дека ја сторил во конкретниот кривично правен настан, соопштија од Апелациониот суд Скопје.
Претходно и Основното јавно обвинителство за гонење на организиран криминал и корупција Скопје и Вишото јавно обвинителство Скопје даде предлог да се уважи жалбата на осомничениот, со прифаќање на понудената гаранција.
Јахоски е еден 13те осомничени во случајот Мазут меѓу кои се и директорот на ЕСМ, Васко Ковачевски кој е недостапен за органите на прогонот. Првосомничени се сопствениците на компанијата РКМ Ратко Капушевски и Ерџан Сулакоски, кои се сомничат за оштетување на државниот буџет за 167 милиони евра при набавка на токсичен мазут
