Мајка од Скопје во полицијата пријавила дека нејзината малолетна ќерка е бремена, а подоцна и самото девојче признало дека имала доброволни полови односи со својот дечко кој исто така бил малолетен.
– На 28.03.2026 во 00:30 часот во СВР Скопје, 31-годишна жена од Скопје пријавила дека, откако се посомневала, ја однела нејзината 14-годишна ќерка на преглед на ГАК при Комплекс клиники „Мајка Тереза“ во Скопје, каде што и било потврдена дека малолетничката била во поодмината бременост, информираа од МВР.
Според пријавеното, после тоа нејзината ќерка ѝ признала дека во текот летото во 2025 година доброволно имала полови односи со малолетник со кој била во врска.
Се преземаат мерки за расчистување на случајот.
