Александар Исак ќе биде нов играч на Ливерпул.
Трансферот е нов британски рекорд, а најшокантниот детаљ е што дел од сумата ќе ја платат самиот играч и неговиот агент.
Иако со недели тврдеа дека нема да попуштат, ставот на Њукасл се смени откако успеаја да го обезбедат наследникот на Исак.
Тие го срушија својот клупски рекорд, доведувајќи го германскиот напаѓач Ник Волтемаде од Штутгарт за 85 милиони евра. Овој потег ја отвори вратата за заминувањето на Швеѓанецот.
На крајот, на последниот ден од преодниот рок, беше постигнат договор. Њукасл ќе добие вкупно 150 милиони евра (130 милиони фунти).
Од таа сума, Ливерпул ќе плати 144.4 милиони евра, додека останатите 5.6 милиони евра ќе ги покријат самиот Исак и неговиот агент, само за да се реализира трансферот.
