Европските и американските берзански индекси денес се нерамномерни, а златото и пченицата пораснаа во цена со истовремен пад на цените на нафтата.
Властите во Москва потврдија дека рускиот претседател Владимир Путин ќе се сретне со американскиот претседател Доналд Трамп во следните неколку дена, што позитивно влијаеше врз растот на европските акции на затворањето на берзата во четврток, јавува CNN.
Индексот DAX на Франкфуртската берза денес во 9:30 часот падна за 0,18 проценти на 24.143,18 поени, лондонскиот FTSE 100 за 0,01 процент на 9.100,25 поени, додека францускиот CAC 40 порасна за 0,14 проценти на 7.648,74 поени, а московскиот MOEX за 0,18 проценти на 2.881,51 поен.
