Кинеското Министерство за финансии објави дека од 10 април ќе воведе дополнителни царини од 34 отсто за американските стоки.
Во соопштението за печатот тие наведуваат дека царините наметнати од Соединетите Американски Држави за кинески производи не се во согласност со меѓународните трговски правила.
Оваа одлука доаѓа како директна реакција на најавата на актуелниот американски претседател Доналд Трамп за воведување вкупни царини од 54 отсто за кинескиот извоз вклучувајќи ги и мерките што се веќе воведени претходно.
