Поканата на рускиот претседател Владимир Путин упатена до американскиот претседател Доналд Трамп да ја посети Москва останува во сила, а натамошните одлуки ќе ги донесе американската страна, соопшти портпаролот на Кремљ, Дмитриј Песков.
„Поканата не е на чекање. Тоа е постојана покана. Путин е подготвен и среќен да се сретне со претседателот Трамп. Сè зависи од одлуката на Трамп“, рече Песков.
Во август, по разговорите со Трамп во Анкориџ, Алјаска, Путин предложи следната средба да се одржи во Москва.
Американскиот претседател го сметаше тоа за можно, иако призна дека поради тоа ќе биде критикуван, наведува руска новинска агенција.
