Возач го загуби животот откако вчера попладне излетал со автомобил од обиколницата Скопје – Тетово.
Полицијата информира дека несреќата била пријавена кај нив во 15:50 часот.
-Во близина на клучка Мирковци, патничко возило „бмв“ со скопски регистарски ознаки, управувано од Р.П.(44) од с.Сарај, скопско излетало од патот. На местото на несреќата починал возачот Р.П., а лекар од Итна медицинска помош констатирал смрт, информира МВР.
По насоки на јавен обвинител телото на починатиот било дадено на обдукција.
Увид извршила увидна екипа од СВР Скопје.
