Расправија меѓу две момчиња од Кочанско можела да прерасне во трагедија – едното 16-годишно момче, кое сега е уапсено, му се заканувало на врсникот со пиштол, соопшти полицијата.
„На 19.03.2026 во 15:45 часот во с.Тркање, кочанско, полициски службеници од ОВР Кочани лишиле од слобода 16-годишник од селото. Тој се сомничи дека на 13.03.2026, по претходна расправија за девојка, со пиштол се заканувал на друг малолетник од с.Оризари, кочанско. Во присуство на родител, адвокат и социјален работник, извршен е службен разговор со малолетникот и одземени се пиштол „екол” калибар 9 мм и рамка со еден куршум. По целосно расчистување и документирање на случајот, против него ќе биде поднесена соодветна пријава“, пишува во полициското соопштение.
