Поранешната шефица на Јавното обвинителство за гонење организиран криминал и корупција, Вилма Русковска, во поткастот на А1он, на адвокатот Јанаки Митровски му призна дека поранешниот премиер Зоран Заев од неа барал преквалификација на делото за настаните од 27 април.
Ваквата нејзина изјава може да се смета за признание на извршено кривично дело, особено ако се земат предвид одредбите од Кривичниот законик. Потенцијалните прекршувања вклучуваат Примање награда за противзаконито влијание, Злоупотреба на службена положба и овластување (член 353, став 3 од Кривичнипот законик) и Трговија со влијание.
Контекстот е уште посложен ако се земе предвид фактот дека кривичната пријава за настаните од 27 април беше поднесена во март 2018 година, а Вилма Русковска беше именувана за шефица на Обвинителството во октомври истата година. Сомнежите се насочени и кон можен случај на награда или корист за противзаконито влијание, што е сериозен криминален чин.
Дополнително, ако е точно дека Русковска била запознаена со постоење притисоци или кривични дејствија од страна на тогашниот премиер, но не го пријавила тоа пред надлежните институции, може да се постави прашањето за евентуално прикривање нкривично дело.
Во тој период, токму Обвинителството со кое раководеше Русковска поднесе обвинение против 30 од 35 осомничени лица за настаните од 27 април, товарејќи ги за „терористичко загрозување на уставниот поредок и безбедноста“. Само шест месеци подоцна, таа беше официјално поставена на највисокото обвинителско место во државата за борба со организиран криминал.
Русковска беше и носител на други чувствителни истраги, меѓу кои и „Диво Насеље“, „Змиско око“ и „Детонатор“, што дополнително го зголемува значењето на нејзината улога во правосудниот систем. Но, токму оваа нејзина улога сега е под сенка на сомнеж поради нејзината изјава за Заев, која засега не наидува на формална правна реакција.
Правните импликации допрва ќе се разгледуваат, но еден факт останува: кога обвинител јавно признава дека бил под политички притисок за преквалификација на дело со сериозни последици по државата – правдата не смее да остане нем набљудувач.
Во продолжение, погледнете го видеото во коешто Русковска признава кривично дело:
Пријави ли момава ваква работа која сега ладно ја признава?
Ако пријавила имало ли некаква процедура, постапка, исход, нешто???
Не а?! pic.twitter.com/KQVrSwHfYT
— John Priest (@john_priest_mk) June 11, 2025
