Човек кој скокна со падобран од вселената и преживеа, почина 13 години подоцна додека летал со параглајдер на јадранскиот брег.
Австрискиот екстремен атлетичар Феликс Баумгартнер починал денес на 57-годишна возраст во несреќа што се случила во одморалиштето Порто Сант’Елпидио на јадранскиот брег, објави римскиот весник „Ла Република“.
Баумгартнер летал со параглајдер кога одеднаш ја изгубил контролата врз леталото – веројатно поради ненадејно чувство на слабост, можеби срцев удар.
Тој паднал во хотелски базен врз жена, која била повредена. Првичните извештаи покажуваат дека нејзината состојба не е сериозна.
Според неофицијални информации, Баумгартнер веќе бил мртов во времето на падот, но тоа сè уште не е потврдено.
Екстремниот атлетичар станал меѓународно познат по своите спектакуларни скокови. Во 2012 година, тој испиша историја кога се искачил во стратосферата со хелиумски балон, а потоа скокна назад на Земјата.
Greatness is eternal.
Rest in peace, Felix Baumgartner. pic.twitter.com/vrxFSihT44
— clusk (@twocitizenships) July 17, 2025
