Минатата година во светот имало 23,4 милиони милионери, најмногу досега, според извештајот за светското богатство објавен оваа недела од консултантската фирма „Капџемини“.
Нивните финансиски средства, исто така, достигнаа нов рекорд, поточно 90,5 милијарди американски долари, објавува Сеебиз.
Според резултатите од извештајот, бројот на богати поединци, односно оние кои имаат повеќе од еден милион евра ликвидни средства што можат да се користат за инвестиции, се зголемил за 2,6 проценти минатата година на 23,4 милиони.
Нивните финансиски средства, пак, пораснале за 4,2 проценти во споредба со претходната година, на околу 90,5 милијарди американски долари, што е околу 79,4 милијарди евра по тековниот девизен курс.
Според германската новинска агенција ДПА, обете бројки се највисоки откако Капџемини започна да го спроведува истражувањето во 1997 година. Минатата година, француската консултантска и аналитичка фирма регистрираше рекорден број богати луѓе со рекордно висок имот.
Растот на бројот на таканаречени милионери од долари беше во голема мера стимулиран од растот на берзите.
Соединетите Американски Држави (САД) сè уште имаат најмногу милионери, со речиси осум милиони, или 562 илјади повеќе од претходната година.
Следува Јапонија со нешто помалку од четири милиони, односно 210 илјади повеќе отколку во 2023 година.
Германија го освои третото место, со 1,6 милиони милионери во долари минатата година. Тој број се намали за 41.000, што „Капџемини“ го припишува на падот на вредноста на недвижностите.
Извештајот, исто така, покажува дека минатата година во Европа имало вкупно 5,7 милиони милионери во долари, што е за 2,1 процент помалку од претходната година.
