„Розите се црвени… ќе ве депортираме“: Честитка од Белата куќа за Денот на вљубените

Во САД Денот на вљубените се слави на 14 февруари, а Белата куќа не ја пропушти можноста да го честита празникот.

На социјалната мрежа „Икс“, Белата куќа објави порака „Розите се црвени, синоличките сини, дојдете тука нелегално и ќе ве депортираме“.

Happy Valentine's Day ♥️ pic.twitter.com/6d7qmo7gtz

— The White House (@WhiteHouse) February 14, 2025

Пораката е напишана на розова позадина покриена со срца, додека под текстот се сликите на американскиот претседател и Том Хоман, кој е познат како „граничниот цар“ на Трамп.

Еден од главните столбови на кампањата на Трамп беше миграциската политика, а тој уште во ноември го назначи поранешниот директор на Имиграциската служба Том Хоман за „граничен цар“.

По неговата инаугурација на 20 јануари 2025 година, тој започна политика на масовни депортации на мигранти.