Русија ноќта ја нападна Украина со 147 беспилотни летала, соопшти денеска украинското воздухопловство.
Беа нападнати неколку украински региони.
Украинските сили за воздушна одбрана уништија 97 беспилотни летала.
Уште 25 дронови не стигнаа до своите цели, се вели во соопштението на украинските воздухопловни сили на апликацијата за комуникација Телеграм.
Две лица загинаа во украинскиот главен град Киев и едно во руската област Ростов во напади со беспилотни летала во текот на ноќта, соопштија властите.
По нападите избувнале пожари во станбени блокови. Десетици луѓе беа евакуирани.
Едно лице загина во напад со украинско беспилотно летало во Ростовската област, објави вршителот на должноста гувернер на јужната руска област Јуриј Слјусар. Тој подоцна објави дека масовен напад со украински беспилотно летало бил одбиен во шест области на Ростовската област.
Руското Министерство за одбрана, пак, објави дека ноќеска биле уништени 59 беспилотни летала. Речиси половина од нив – 29, биле соборени над регионот Ростов, а 20 – над регионот Астрахан.
Русија и Украина во последните месеци речиси секоја вечер се напаѓаат со дронови
Kyiv was under a massive ruzzian drone attack.
3 people killed, among them a father and his 5-year-old daughter. 10 others were injured, including an 11-month-old baby.
This is terror. Russia keeps killing peaceful Ukrainians. #StandWithUkraine #RussiaIsATerroristState pic.twitter.com/vGFgGW2yxW
— Myroslava Shcherbatiuk (@ShcherbatiukM) March 23, 2025
