Украинската државна служба за итни случаи издаде ново соопштение во кое се вели дека најмалку 31 лице, меѓу кои две деца, загинале во нападот утринава врз градот Суми.
Службата посочува дека во денешниот напад се повредени 84 лица, вклучително десет деца. Спасувачките работи продолжуваат на местото на настанот, се додава во соопштението.
Украинскиот министер за надворешни работи Андриј Сибиха реагираше на нападот кој е изведен на Цветници, во време кога луѓето одат во црква. – Изведувањето на ваков напад за време на голем христијански празник е апсолутно зло, оцени Сибиха. Тој додаде дека официјалните лица „споделуваат детални информации за ова воено злосторство“.
Сибиха, исто така, ја критикуваше Русија за одбивањето на предлогот за прекин на огнот од САД и ги повика партнерите на Украина да го зголемат притисокот врз Москва. – Силата е единствениот јазик што тие го разбираат и единствениот начин да се стави крај на ужасниот терор, оцени тој.
Russians just fired ballistic missiles into the city center of Sumy on the morning of Palm Sunday, while people crowded streets on the way to church services.
An absolute massacre. pic.twitter.com/euxfXgkBk6
— Kyiv Insider (@KyivInsider) April 13, 2025
