Словенија го легализираше таканаречено „потпомогнато“ самоубиство, кое граѓаните го поддржаа на минатогодишниот референдум.
Со 50 гласови „за“, 34 „против“, и тројца воздржани парламентот го узвои законот.
Законот им дава право го завршат својот живот, на пациенти кои страдаат од неизлечиви болести и чие страдање или здравствена состојба е неподнослива, освен во случај на ментални болести.
Исто така, ќе може да се примени во случаи кога не се очекува третманот да го опорави или подобри здравјето на пациентот.
Прво ќе мора да се исцрпат сите опции за медицински третман.
Правото не може да се користи во случаи на неподносливо страдање како резултат на ментална болест.
Евтаназијата, или смрт од милосрдие, предизвикана од страна на старател по барање на пациентот, останува забранета.
На референдумот минатата година, 55 проценти од гласачите го поддржаа правото на асистирано самоубиство.
Швајцарија и Австрија веќе го дозволија тоа.
Холандија, Белгија и Луксембург ја одобрија еутаназијата.
