Локалните избори беа одраз за тоа дека доколку работиш чесно, транспарентно и посветено, народот ќе го цени тоа и ќе те награди. ВМРО-ДПМНЕ го преслика успехот од парламентарните избори минатата година во процентуална вредност, а споредбено со минатите локални, имаме и раст во бројот на гласови, советнички места и градоначалници, се вели во соопштение на Центар за коминикации на партијата.
„ВМРО-ДПМНЕ освои 550 советници низ државата и градот Скопје, додека СДСМ освои околу 230 советници. ВМРО-ДПМНЕ освои 12.000 гласови повеќе од минатите избори, додека СДСМ изгуби 111.000 гласови. ВМРО-ДПМНЕ доби 11 повеќе градоначалници во првиот круг, а СДСМ изгуби 6. Соодносот на ВМРО-ДПМНЕ и СДСМ по првиот круг е 10 спрема 1. Граѓаните направија вистински избор, избраа работа и дела, наместо криминал и неспособност“ – вели ВМРО-ДПМНЕ во соопштението.
Партијата смета дека во вториот круг на 2 ноември влегува како асполутен фаворит во сите 26 општини и ги повикува граѓаните да го дадат својот глас на кандидатите на ВМРО-ДПМНЕ и масовно да го заокружат бројот 9.
