Стјуардесата В.В.(32) од Белград е една од тешко повредените во страшната авионска несреќа кога авион со кој управуваше американската компанија „Делта ерлајнс“ се преврте при слетување на меѓународниот аеродром „Пирсон“ во Торонто, Канада.
Таа во несреќата е тешко повредена и се бори за живот.
Семејството на повредената стјуардеса е многу загрижено, а знаат само дека таа е во болница и е во критична состојба.
Според нив, В.В. била стјуардеса на летот 4819, кој имаше сериозен инцидент при слетувањето во Торонто.
“При превртувањето на авионот, нејзиното ребро го прободе белодробното ткиво, а таа сега е во состојба на медицински шок, без свест. Нејзината состојба е многу критична и се бори за живот. Само толку ни кажаа од болница, ништо друго не знаеме”, тврди за „Блиц” роднината на повредената стјуардеса.
