Авиокомпанијата „Флај Дубаи“ од Обединетите Арапски Емирати побарала од Министерството за транспорт и врски одложување поради објективни причини што не зависат од неа и затоа формално се бара пролонгирање на започнувањето на операција на линијата, јавува „Вечер прес“.
На првиот повик на Владата за субвенционирање авиолинии во октомври 2024, беа избрани шест авиолинии на „Визер“, „Туркиш ерлајнс“ и на „Флај Дубаи“. „Визер“ доби владина помош за летовите од Скопје до Барселона и до Лион, кои треба да почнат во мај 2025 година и до Штутгарт, од октомври 2025 година. „Туркиш ерлајнс“ од 27 март почна со летовите меѓу Истанбул и Охрид, четири пати неделно.
Авиокомпанијата „Флај Дубаи“, која аплицираше и доби субвенција од македонската Влада да ја одржува линијата Скопје – Дубаи од 30 март, побарала одложување на стартот. Авиокомпанијата од Обединетите Арапски Емирати побарала од Министерството за транспорт и врски одложување поради објективни причини што не зависат од неа и затоа формално се бара пролонгирање на започнувањето на операција на линијата.
Од Министерството за транспорт велат дека „Флај Дубаи“ му е целосно посветена на воспоставувањето на оваа дестинација.
– Министерството за транспорт останува во континуирана комуникација со авиокомпанијата и целосно ги подржуваме нејзините напори за реализација на оваа дестинација – велат оттаму.
На првиот повик на Владата за субвенционирање авиолинии во октомври 2024, беа избрани шест авиолинии на „Визер“, „Туркиш ерлајнс“ и на „Флај Дубаи“. „Визер“ доби владина помош за летовите од Скопје до Барселона и до Лион, кои треба да почнат во мај 2025 година и до Штутгарт, од октомври 2025 година. „Туркиш ерлајнс“ од 27 март почна со летовите меѓу Истанбул и Охрид, четири пати неделно.
Согласно со Програмата за финансиска поддршка 2025-2027 година, донесена од Владата, предвидени се 360 милиони денари за субвенции за воведување нови авиолинии. Оваа Програма има цел да го унапреди авиосообраќајот, да се обезбедат нови дестинации преку поволни услови за патување за граѓаните, како и развој на цивилното воздухопловство.
