Во зимскиот трансфер период, Елиф Елмас се пресели во Торино како позајмен играч од Лајпциг. Овој потег се покажа како успешен за италијанскиот тим.
Елмас досега има постигнато два гола во три одиграни натпревари за Торино. Според „Тутоспорт“, клубот е задоволен од неговите изведби и веќе почнале разговори со Лајпциг за трајно откупување на неговиот договор.
Договорот за позајмица им овозможува на Торино право да го купат Елмас за 17 милиони евра, што е сума која клубот е подготвен да ја издвои.
