Трамп не ја поштеди Македонија, ни наметна царина од 33 отсто!

Претседателот Доналд Трамп не ја поштеди ни Македонија од неговата агресивна царинска политика објавувајќи денес листа на која царината што е наменета за Македонија е – 33 отсто.

Според листата што ја објави агенцијата Ројтерс, Македонија не е меѓу најпоштедените земји што поминаа само со царина од 10 отсто, иако не е ни меѓу најпогодените чии царини стигнаа до 50 отсто. За изненадување Трамп воведе 17 отсто царини и за Израел,32 отсто за Тајван и 10 отсто за Украина, а 35 отсто за БиХ и 37 отсто за Србија меѓу земјите од регионот, при што нема податок дека има нови царини за Албанија, за Црна Гора и за Косово.

Со оглед на тоа дека нашиот премиер Христијан Мицкоски дури трипати беше во Вашингтон за да воспостави добри односи со администрацијата на Трамп и притоа изјавуваше дека бил прв во периметарот на Белата куќа,  ваквата одлука кажува нешто друго. Еве ја листата на нововоспоставени царини кои треба да ја „ослободат САД“ од економскиот грабеж што наводно им го правеле другите земји. Не е исклучено, со оглед на мизерната сума на взаемна трговија со САД, дека на ваков начин пробува да ни ја наплати помошта од УСАИД, како што и ги пара сега назад парите од воената помош на Украина. (С.Ј.)