Во Бизнис21 на ТВ21 гостуваше министерката за финансии Гордана Димитриеска-Кочоска, која изјави дека укинувањето на зелениот картон ќе значи и поголеми давачки за граѓаните при регистрација.
„Граѓаните не ги интересира укинување на зелениот картон, затоа што тоа би значело дека би плаќале поголема регистрација, бидејќи во таа регистрација би бил вклучен и зелениот картон, независно од тоа дали ја напуштате државата или не. А, целта на министерството е да ги заштити граѓаните од дополнителни давачки. Затоа бараме идеално решение со кое ќе бидат задоволни и граѓаните и осигурителните компании“, изјави министерката.
