Станува јасно дека дел од АА веќе нема да го следи Арбен Таравари. Вицепремиерот Арбен Фетаи, заедно со Азир Алиу, Сирија Рашити и Фета Алими, беа на посета кај премиерот на Косово, Албин Курти. Фетаи на социјалните мрежи објави фотографии од средбата и напиша:
-На разденувањето денес, заедно со неколку пријатели по идеал од Алијансата за Албанците, тргнавме кон Приштина, минувајќи по автопатот „Арбен Џафери“, пат што за нас не е само инфраструктура, туку симбол на нашата духовна и национална врска. Таму, во Приштина, водевме братски разговор со нашиот пријател, Албин Курти. Она што нè обединува денес, повеќе од кога било, е нашата заедничка визија и идеал за напредок и развој — идеал што не познава граници, ниту пречки, изјави Арбен Фетаи, вицепремиер.
И поранешниот министер за администрација, Азир Алиу, на неговиот профил напиша дека ќе продолжи да биде дел од ВЛЕН.
-Јас верувам дека определбата за промени во општеството не се напушта при првата пречка, туку се гради со уште повеќе труд! Со голема почит кон претседателот на партијата и неговото право на политичка проценка, чувствувам обврска јавно да кажам дека ќе продолжам да бидам дел од процесот што заедно го започнавме во ВРЕДИ и во оваа Влада! – вели Азир Алиу од АА.
Инаку, Арбен Таравари ја напушти коалицијата ВРЕДИ со цел на локалните избори да настапи со посебни советнички листи. Поради тоа беше принуден да се повлече и од Владата, додека неговата оставка од функцијата министер за здравство ќе биде констатирана во вторник во Собранието.
