Најпознатата лото-девојка од поранешна Југославија, Сузана Манчиќ, објави фотографија на Инстаграм на која позира со холивудскиот актер Стивен Сигал, поттикнувајќи гласини за можна врска.
„Добра вечер, може ли да се сликам со вас? Ви благодарам многу“, напиша таа покрај фотографијата, а обожавателите прашаа во коментарите дали е на повидок нова љубов, додека некои ја искористија можноста да се пошегуваат.
View this post on Instagram
„Нова љубов“, „Добар пар“, „Прекрасна“, „Честитки, Сузи, толку сум љубоморна“, „Поприродно е тој да побара да се слика“ и „Стивен е толку згоден“, се некои од коментарите под објавата.
Стивен Сигал присуствуваше на воената парада „Моќта на единството 2025“ во Белград во саботата. Актерот, најпознат по своите улоги во акциони филмови во 1980-тите и 1990-тите, стана редовен гостин во Србија.
Сигал доби српско државјанство во 2016 година. Тој е близок со претседателот Вучиќ и српската влада, а за време на посетите на Белград често го изразува своето восхитување од српската култура и традиција.
