Фудбалерите на Црвена Звезда го победија Партизан со 2-1 на гостински терен во деветтото коло од Супер лигата Моцарт Бет. Звезда славеше во 177-тото „вечно дерби“ со головите на Тими Макс Елшник и Немања Радоњиќ, додека Јован Милошевиќ го постигна почесниот гол за Партизан.
Звезда поведе во 28-та минута. Томаш Хандел центрираше, Марко Арнаутовиќ му додаде на Мирко Иваниќ, чие центрирање го искористи Елшник и постигна гол од два метра за 0:1.
Иваниќ беше и асистент за вториот гол. Тој му додаде на Радоњиќ, кој влезе околу 40 секунди порано и постигна гол со својот прв допир со топката за 0:2.
Милошевиќ го постави конечниот резултат откако постигна гол од блиску на асистенција од Стефан Милиќ во 74-та минута.
Со вечервашното славје, Црвена Звезда го продолжи совршениот почеток на сезоната со седум победи во седум лигашки кола со гол-разлика од 30:5.
Партизан, од друга страна, го претрпе првиот пораз во лигата по шест победи и едно реми во седум одиграни натпревари.
