Ја напуштил работата и одлучил да се впушти во претприемачките води. Од самиот почеток, неговата идеја била да направи ајвар.
И не би изненадувачки доколку не живееше во Лондон, и тоа што и сега, кога производот сè уште не е официјално лансиран, е голем хит. Неговото име е Филип Зечевиќ, тој е Англичанец со црногорски корени и ова е неговата приказна.
„Минатата година ја напуштив работата за да се насочам кон мојата страст, а овие тегли со ајвар се голем дел од моето патување“, им се обратил Филип Зечевиќ на своите следбеници на Инстаграм во едно од видеата и објаснил дека ајварот е всушност густ сос или намаз од црвена пиперка, кој е исклучително популарен на Балканот.
Првично направил стотици тегли со ајвар и одлучил да ги понуди на своите познаници. Сите кои го пробале ајварот биле воодушевени, па, логично, почнал да размислува за поголемо производство. Но, потоа почнал да размислува подлабоко и сфатил дека тоа е всушност задача поголема од него и дека сепак ќе му биде потребен искусен производител кој знае знае што прави за да произведе поголеми количини ајвар.
Во видеото што го објавил, тој исто така вели и дека направил многу тестирања и конечно пронашол производител во Македонија кој ќе произведува ајвар за него. Направиле неколку стотици тегли ајвар, кој наскоро ќе биде пуштен во продажба во Лондон.
Филип не се сомнева во успехот на својот ајвар
Со оглед на тоа што Филип има повеќе од 400 илјади корисници на Инстаграм, под видеото за почетокот на неговата авантура со производството на ајвар, се наредија многумина кои рекоа дека едвај чекаат да го пробаат неговиот производ, а неколку корисници напишаа дека ајварот им е една од омилените работи што ги пробале во животот. Затоа, разбираме зошто Филип не се сомнева во успехот на неговиот производ.
Интересно е да се додаде дека како креатор на содржина е фокусиран на веганска храна, а својот Инстаграм профил го започнал за да се инспирира. На крајот, тој почна да споделува фотографии и рецепти од храна и собра голем број следбеници. Покрај тоа, приказни за него веќе се објавени во познати изданија, а со Џејми Оливер има соработувано и на неколку проекти.
