Македонската ракометна репрезентација синоќа во Вараждин загуби од Хрватска со 27:25 во пријателски натпревар пред почетокот на Светското првенство 2026.
Во меч во кој резултатот не беше во прв план, избраниците на селекторот Кирил Лазаров покажаа дека на Мундијалот можат да се надеваат на добри резултати. Тие го добија првото полувреме со 14:13, имаа свои моменти и во вториот дел, особено ова се однесува на голманот Марко Кизиќ кој одбрани три пенали во серија.
Сепак домашните судии во салата во Вараждин им помогнаа на Хрватите на крајот да се радуваат.
Исто така, очигледно беше дека и двете селекции тактизираа и не играа со максимален интензитет.
Македонија на СП ќе игра во група со Унгарија, Холандија и Гвинеја. Првиот меч ќе го има на 15 јануари со унгарската репрезентација.
