Списанието „Плејбој“, по петгодишна пауза, објавува печатено издание, а на насловната страница овојпат е 28-годишната манекенка Лори Харви.
Таа позирала во бикини украсено со светки, па во кус корсет-фустан, капут со пердуви, држејќи цевка украсена со заштитниот знак на „Плејбој“ – зајак. За нејзиниот изглед се погрижила стилистката Лејла Бани.
Харви во интервјуто зборувала за својата кариера и за тоа што значи да се биде пример за многу девојки. Ова издание на списанието ќе биде пуштено во продажба 10 февруари.
Споменатата манекенка соработувала со многу луксузни брендови, меѓу кои „Долче и Габана“, „Барбери“ и „Мајкл Корс“. Во светот на модата влегла во 2015 година, а во 2021 основала и свој бренд – „SKN by LH“ (СКН од ЛХ).
Најпопуларниот магазин за мажи го објавува свое печатено издание првпат откако го запре во текот на пандемијата на коронавирусот.
„Речиси седум десетлетија, „Плејбој“ не беше само списание – тоа беше движење!“, рекол неговиот главен уредник, Мајк Гај.
Тој исто така навел дека новото издание ја слави нивната богата историја, а истовремено и новата визија за иднината. Покрај Харви, во новиот број ќе има интервју и со комичарката Ники Глејзер.
