Халкидики стана арена на бугарско-српска трка за купување имоти, пишуваат бугарските медиуми. Бугарите градат хотели, а Србите купуваат приватни станови.
Високите цени на недвижностите на Халкидики не влијаат на интересот на бугарските клиенти, коментираат брокерите од околината. 30% од Бугарите кои купиле имот на Халкидики направиле зделка за луксузни вили на брегот на морето по цена од 500 илјади до еден милион евра. Друг дел од околу 60% од набавките на Бугарите се по цена до 150 илјади евра.ва се помали домови релативно далеку од плажата и бараат големо реновирање, известуваат брокерите. Ретки се случаите кога Бугарите инвестираат во мали хотели или вили со соби за изнајмување, главно барајќи локации кои бараат помалку време и средства за ново реновирање. Голем е и интересот на Србите, но бараат мали станови, претежно за лична употреба, по цена и до 70 илјади евра.
Бугарските компании инвестираат и во мултинационални проекти за изградба на нови луксузни хотели и првенствено бараат земјиште за градба. Засега Бугарите, заедно со Романците, се сериозни клиенти со добри можности за стекнување имот на Халкидики, известуваат водечките компании посредници за областа, информира БНР, пренесува „Телеграф.бг“.
