При полицискиот претрес во домот и канцелариите на едно од лицата осомничено за учество во сомнителните набавки на нафтени деривати, поточно осомничениот Асмир Јахоски, наместо мирно соочување со органите на прогонот, пратеникот Исмаил, неговиот татко направил вистински хаос, дознава НетПрес од извори во истражните органи!
-Според нашите информации, пратеникот одбивал да ги отвори вратите од службените канцеларии и при тоа одбивајќи ги наредбите на полицијата и повикувајќи се пратеничкиот имунитет. Додека тимот за претрес се подготвувал да влезе за да го спроведе истражното дејствие, истиот се обидел прв да дојде до одредена документација и електронски уреди кои можат да го поврзат со спорните набавки, пишува порталот.
Исто така, извори на порталот велат дека во текот на акцијата, ситуацијата ескалирала во моментот кога полицијата пронашла сеф со оружје и кеш пари.
-Дали ова ќе го потврди полицијата, ќе бараме одговор во текот на денот. Оваа акција е дел од пошироката истрага за незаконските набавки на нафтени деривати, а истражните органи најавуваат дека ова е само почеток – никој што го труе и краде својот народ нема да остане недопрен од правдата, пишува НетПрес.
