Судот во Париз денеска ги прогласи Марин Ле Пен, лидерката на француската крајнодесничарска партија Национален собир (РН) и уште осум европски парламентарци од партијата за виновни за проневера на јавни средства.
Оваа пресуда автоматски значи дека на Марин Ле Пен и е забрането да се кандидира на претседателските избори во 2027 година, според телевизијата БФМ.
Дванаесет помошници на европратениците на кои исто така им беше судено беа прогласени за виновни за прикривање проневера, пишува „Фигаро“. Судот ја процени вкупната вредност на штетата на 2,9 милиони евра, бидејќи „лицата кои всушност работеле за партијата биле платени со средства од Европскиот парламент“.
Партијата РН, која ја гледа Ле Пен како фаворит меѓу потенцијалните кандидати во претседателската трка за две години, го осуди судењето како политички мотивирано, пишува Франс 24.
