Американскиот претседател Доналд Трамп денеска изјави дека осудата на француската крајнодесничарска лидерка Марин Ле Пен и забраната за нејзино кандидирање за претседател во 2027 година е „многу голема работа“.
Трамп рече дека многумина мислеле дека Ле Пен нема да биде осудена за проневера на јавни средства, пренесува Ројтерс.
Но, ѝ е забрането да се кандидира пет години, а таа е водечки кандидат. Тоа звучи како оваа земја, многу звучи како оваа земја“, рече Трамп, мислејќи на правните случаи против него пред да ја преземе функцијата.
Трамп е обвинет дека прикрил тајно плаќање на порно ѕвезда, обидувајќи се да ги поништи резултатите од изборите во 2020 година што ги изгубил и задржал доверливи документи по завршувањето на неговиот прв мандат.
Францускиот суд ја осуди Ле Пен на четиригодишна затворска казна, од кои две години се условни, како и парична казна од 100.000 евра.
Покрај Ле Пен, уште осум пратеници од нејзината крајнодесничарска партија Национален собир беа осудени за проневера на јавни средства.
