По индиските ракетни напади врз три пакистански воздухопловни бази, Исламабад рано утрово го изврши својот прв воен напад на индиска територија, објави пакистанската војска во видео на платформата за социјални медиуми X. Најмалку пет лица се убиени утрово во индискиот регион Џаму за време на пакистански напади, соопшти полицијата во индискиот дел на Кашмир.
Висок безбедносен функционер изјави дека Пакистан немал друг избор освен да одговори на „многу сериозната ескалација“, додавајќи дека „вакво насилство не е видено од војната во 1971 година“. Како одговор на тоа, Индија активираше 14 батаљони на Територијалната армија, со вкупно околу 10.500 војници, кои ќе бидат распоредени низ целата земја до февруари 2028 година, соопшти Министерството за одбрана.
Во Исламабад, пакистанскиот премиер Шехбаз Шариф свика итен состанок на Националниот команден орган, телото одговорно за контрола на нуклеарниот арсенал.
Беше наведено дека ова тело обично се состанува само во ситуации што ја загрозуваат националната безбедност. „Не би сакале да видиме преминување на нуклеарниот праг“, рече министерот за планирање Ахсан Икбал. САД повикаа на итна деескалација.
Државниот секретар Марко Рубио разговараше со началникот на пакистанската армија, генерал Асим Мунир, и понуди помош од Вашингтон за започнување конструктивен дијалог, соопшти Стејт департментот. Групата седум (Г7), исто така, ги повика двете страни на „максимална воздржаност“ и на директен дијалог. Во заедничка изјава, министрите за надворешни работи на Г7 остро го осудија нападот врз туристите во Кашмир на 22 април и апелираа за „итна деескалација на ситуацијата“.
India and Pakistan have launched another round of reciprocal strikes in recent hours. Both sides have now targeted locations of increasing strategic importance. Earlier, India targeted a number of Pakistani airbases. Three in total, most notably Pakistan’s Nur Khan airbase in… pic.twitter.com/YQqEpmAuTN
— OSINTdefender (@sentdefender) May 10, 2025🚨⚠️India, take this as a warning, you will never be able to break the resolve of the #Pakistan Armed Forces and the Pakistani people,
Even if you attack us 100 times, you will receive a befitting response each and every time!#PakistanArmy #IndiaPakistanWar pic.twitter.com/99QLNCoeO8
— Pakistan Armed Forces News 🇵🇰 (@PakistanFauj) May 10, 2025
