Грчките власти минатата недела забраниле фестивал во близина на Лерин само затоа што организаторите планирале да се пеат и играат македонски песни и ора. Kако што пренесува Vetonews.gr, по жалбите до полицијата, настаните организирани од Атлетскиот клуб Аетос и Атлетскиот клуб Хермес од Аминтео биле откажани.
Менаџерите на двата клуба ја донееле оваа одлука за да избегнат да се соочат со казни за „прекршоци“ од Инспекторатот за труд, Министерството за здравство, Јавната администрација и грчката полиција, во врска со лиценцата за музички настани во т.н мирни часови.
Како што објави vetonews, фудбалскиот тим АЕТУ Флорина го освоиле локалното првенството, а Атлетскиот клуб, во консултација со локалните власти, одлучи да ја организира прославата на победата на централниот плоштад. Поставени биле маси , имало и скара а требало да свири групата „Мусикорама“ кој свири на многу локални фестивали..
Прославата почнала, но по 23 часот била прекината со одлука на Обвинителството на Лерин, откако имало пријава за прекршок нарушување на јавниот ред и мир. Организаторите, соочени со можноста да има ја одземат опремата ја прекинале забавата.
Партијата НИКИ дури и се пофалиле дека со сопствена интервенција во Општина Аминтео и обвинителот на Лерин успеале да ги спаси „чистите и убави традиционални фолклорни фестивали во нивниот регион Македонија“ од иредентистичката пропаганда на „Скопјаните“.
Извор: Vetonews
