За точно 916.113 евра се продаде земјиштето на екс директорот на УБВ, Сашо Мијалков во Гевгелија пишува Фокус,
Електронската аукција се изврши вчера, и од Агенцијата за управување со одземен имот ни одговорија дека истата завршила успешно.
Аукцијата за градежното земјиште на КО Богородица беше успешно завршена и истата се продаде во износ од 56.341.000 денари, одговорија за ,,Фокус” од Агенцијата.
Оттаму појаснуваат дека се уште не можат да ги откријат останатите податоци, како и името на новиот сопственик бидејќи купувачот се уште не го уплатил понудениот износ.
Многу е веројатно дека на акуцијата бил пријавен само еден заинтересиран купувач, бидејќи од почетната цена, продажбата завршила со наддавање од само 4.000 денари.
Поточно земјиштето се продаваше со почетна цена од 56.337.000 денари, а се продаде за 56.341.000 денари.
„Почетна продажна цена утврдена согласно Процената на Министерството за правда – Бирото за процени бр. CB/EL V 2/24-2 од 12.08.2024 година е во износ од 56.337.000 денари”, се појаснуваше во огласот објавен од Агенцијата за управување со одземен имот.
Тоа значи дека проценителите оцениле дека ова земјиште, составено од 8 парцели, со вкупна површина од речиси 19.000 квадратни метри, вреди најмалку 49 евра од квадрат.
Повеќе на Фокус
