Дел од пресоналот предводен од директорката на ГАК Проф. Д-р Ирена Алексиоска Папестиев и Ас. Д-р Даниел Милковски присуствуваа на напредна обука организирана во болницата „Св. Лука“ во Солун.
-И за некого чиниш одмори пристигнаа, а за нашиот персонал е само уште едно жешко лето кое продолжува во духот на едукацијата и имплементирањето на нови техники на нашата клиника, истакнаа од ЈЗУ Универзитетска Клиника за Гинекологија и Акушерство – Скопје.
„Беше големо задоволство да учествувам на Напредниот лапароскопски курс организиран од Олимпус, што се одржа во болницата „Св. Лука“ во Солун.
Импресивна програма, врвни едукатори и одлична можност за подобрување на лапароскопските вештини! Голема благодарност до организаторите и сите учесници за инспиративната размена на знаење и искуство“, изјави Проф. Д-р Алексиоска Папестиев по повод посетата.
Кога се работи за здравјето, медицината не знае за годишно време, ниту за било какво време, постои само бесконечност во изнаоѓањето и примената на се што ќе биде во полза на истото, нотираат во објавата од ГАК.
