Tрагедија на албанското крајбрежје – 66-годишен македонски државјанин го загуби животот во морето кај Драч, на плажата во близина на Каваја.
Според информациите објавени од албанската полиција, несреќата се случила вчера околу 19 часот, кога мажот, веднаш по влегувањето во морето, доживеал срцев удар, по што се удавил.
„Според првичниот наод, странскиот турист доживеал срцев удар веднаш по влегувањето во морето“, соопштија надлежните служби.
Очевидци на настанот, кои се наоѓале на плажата, се обиделе да му помогнат кога го забележале во неволја, но за жал, екипите на Итната медицинска помош само ја констатирале смртта.
Инцидентот е под истрага на албанските власти, а телото на починатиот е предадено на судска медицина.
