Македонската машка кошаркарска репрезентација триумфираше вечерва над Швајцарија со 62-56 во првиот од двата контролни натпревари во рамки на подготовките за претстојниот старт во претквалификациите за пласман на Светското првенство во 2027 година.
Почетокот на натпреварот во салата „НБ Ноел“ во Негорски бањи им припадна на швајцарските кошаркари кои обезбедија водството по првата четвртина од 15-11, а Македонија влезе во посакуваниот ритам на стартот од втората четвртина и на полувреме замина со предност од 36-30.
Македонија во 27 минута дојде до највисоки плус 20 поени разлика (57-37) и заслужено на крајот забележа победа во првиот од двата контролни натпревари против Швајцарија. Вториот натпревар е закажан за утре од 19 часот во Негорски бањи.
Митревски со 15 и Вајли со 13 поени беа најефикасни во редовите на Македонија.
Мундијалските претквалификации избраниците на селекторот Илиевски ќе ги почнат на 2 август на домашен терен против Романија.
