Франција го повика италијанскиот амбасадор во Париз на разговори откако италијанскиот вицепремиер Матео Салвини го критикуваше францускиот претседател околу неговото инситирање за испраќање европски трупи во Украина, јавува Еуроњуз
На прашањето дали би ги коментирал повиците на Емануел Макрон да испрати војници од европските земји во Украина доколку се постигне договор со Русија, Салвини претходно оваа недела му рече:
„Оди ако сакаш. Стави го шлемот, стави го панцирот, земи ја пушката и оди во Украина“.
Француски дипломатски извори велат дека тие „го потсетиле италијанскиот амбасадор дека овие забелешки ѝ штетат на атмосферата на доверба и историските односи меѓу двете земји… особено кога станува збор за непоколеблива поддршка за Украина“.
Салвини, популистичкиот лидер на десничарската партија „Лига“ и министер за транспорт во конзервативната влада на премиерката Џорџија Мелони, беше отворено критичен кон Макрон, особено во врска со Украина.
Макрон се обидува да мобилизира што е можно повеќе поддршка за Украина во случај на прекин на огнот, за што работи со други западни лидери, особено со британскиот премиер Кир Стармер.
