Министерот за внатрешни работи, Панче Тошковски најави дека од септември следната година, се враќа средното полициско училиште.
Одговарајќи на новинарско прашање за тоа како ќе функционира во пракса, Тошковски најави загарантирани вработувања за сите оние кои ќе завршат средно полициско училиште.
„Секој еден кој што ќе се запише на полициската академија во иднина во рамки на средното полициско училиште и успешно ќе го заврши ќе биде дел од структурите на Министерството за внатрешни работи, значи се гарантира вработување во министерството за внатрешни работи. За почеток, предвидено е да ги интегрираме во рамки на специјализираното средно полициско училиште оние ученици коишто ќе завршат втора година во рамки на останатите средни училишта, значи ќе започнат со школување во средното полициско училиште трета и четврта година“, рече Тошковски
