Ракометарките на македонскиот првак Еурофарм Пелистер денеска ја стартуваат новата сезона во Лигата на шампионите. Противник им е хрватскиот шампион Загреб, екипа која долги години е учесник во најквалитетното натпреварување.
Среќен сум што ќе го пречекаме Загреб со најдобриот состав. Имавме неколку повредени ракометари кои изостанаа за пријателските натпревари и Суперкупот. Сега сите сме спремни и ќе го пречекаме Загреб. Максимално сме мотивирани, знам дека ќе имаме помош од нашите навивачи и очекувам полна сала. Го респектираме Загреб. Не треба да зборуваме за историјата на на овој клуб. Мотивирани сме и сакаме со позитивен резултат да ја почнеме Лигата на шампионите. Загреб има искусни ракометари. Со Игор Карачиќ добија многу во нападот. Тој ќе ги спои бековите, искусен е, поминал многу и знае како се игра на Балканот. Сигурно ќе биде мотивиран заради неговото минато со Вардар, клуб со кој ја освои Лигата на шампионите. Сепак, нашиот фокус е на нашата игра, нашата одбрана. Мислам дека сезонава ќе бидеме многу посилни, засилувањата добро се вклопија и изградивме добар систем. Имаме позитивна атмосфера и мислам дека тоа ќе биде клучот за наш успех во среда, изјави капитенот на Еурофарм Пелистер Филип Кузмановски.
Натпреварот се игра во спортската сала „Боро Чурлевски“ во Битола со почеток во 20:45 часот.
