Минималната плата се утврдува според економскиот прогрес, порастот на продуктивноста и нивото на трошоците за живот.
Министерот за економија и труд, Бесар Дурмиши, во одговор на пратеничко прашање изјави дека: “Ад хок предлог за зголемување без економска покрепа и без да се направи анализа ќе направи директен притисок кај малите и средни претпријатија кои се столбот на економијата”.
Како последица на ова, дополни тој, ќе следи отпуштање на голем број работници, како и повторно зголемување на инфлацијата и пораст на цените кои ќе влијаат на социјалните случаи или сиромашните семејства.
Тој посочи дека предлогот на опозицијата предвидува минималната плата ад хок да се зголеми на 30 илјади денари и дека тоа не е изводливо без претходно да бидат исполнети потребните услови. “Првично имаме една формула како се одредува минималната плата – 50 проценти од зголемување на претходната плата и зголемување трошокот на животот претходната година”.
“Овој механизам е во склад со синдикатите, работнците и е еден кој е во практика и во Европа и кај нас. Ги штити работниците, обезбедува ги обезбедува интерсите и реалните капацитети на домашната економија”, рече Дурмиши, одговарајќи на прашањето на пратеничката од СДСМ, Јована Тренчевска, за зголемување на минималната плата.
Во државата, дополни тој, минималната плата е на средина споредено со европските држави. Според него, најниска минимална плата имаат Албанија, Србија и Бугарија.
Министерот рече дека како Влада презеле многу мерки за стабилизирање на инфлацијата и раст на економијата. “Според нашите информации во август 2025 година инфлацијата била 4,4 проценти. Годишно 4,1 значи во цените на малопродажба и имаме мало зголемување од 0,2 проценти. На цените сме постигнале со мерките кои ги имаме да ги стабилзиираме”.
“Сакам да ве потсетам во времето кога вие бевте на власт во 2022 година инфлацијата беше 14,2 проценти. Во 2023 година беше 9,4 проценти. Значи овие се цифри кои сериозно му отежнуваат на семејниот буџет на граѓаните додека денес во 2025 и овој месец за кој зборуваме инфлацијата е преполовена и е стабилна”, рече Дурмиши.
Ова, дополни тој, не е случајност, туку е резултат на конкретните чекори кои ги презеле како власт со цени кои се уредени и каде е најнеопходно да се излезе во пресрет на семејствата. “За оваа учебна година имаме мерка која е активна, ја обезбедивме семејната кошница, секое семејство да заштеди од 2000 до 3000 денари”.
“Најголемиот притисок кој произлегува од прехранбените производи е од претходната власт значи домашното производство го намали и донесе субвенции на непотребни места и без стратегија. Исто така имаме и прехранбени производи кои се на берза светска берза и како Влада таму не можеме да влијаеме”, рече министерот за економија и труд.
Тој потенцираше дека сите мерки кои ги презело Министерството не се неосновани. “Напротив, вели, сме покажале одговорност, сме спровеле политики кои носат стабилност на цените, стабилност на економијата.”
