Новите екипи во кошаркарската Евролига Дубаи и Хапоел Тел Авив стартуваа со победи. Дебитантите кои ја имаа улогата на домаќини остварија победи против Партизан односно Барселона.
Дубаи на домашен терен ја совлада екипата на Партизан со 89:76. Кошаркарите на Дубаи имаа водство во речиси целиот тек на натпреварот. Хапоел Тел Авив поради ситуацијата во Газа натпреварите како домаќин ги игра во Софија, но тоа не беше пречка да го совладаат фаворитот Барселона со 103:87.
И кошаркарите на Црвена Звезда со пораз ја отворија новата евролигашка сезона. На домашен терен белграѓани беа поразени од Милано со 82:92 и исто како и својот лут градски ривал не успеаја да се израдуваат во премиерното коло од новата сезона.
ЛеДеј со 21 поен ги предводеше гостите до победа во Белград, додека кај екипата на Црвена Звезда најефикасен беше Нигериецот Нвора кој застана на 19 поени.
