Газда на фабрика во Кавадарци не ја пушти да влезе адвокатката која застапува фамилија на загинат работник од Кина

Адвокатката Маја Ристова, која ја застапува фамилијата на работникот од Кина што неодамна почина на работното место, јавно го обвини сопственикот на компанијата „ИГМ Трејд“ од Кавадарци, Илија Гечев, дека ѝ забранил влез во фабриката за време на посетата со клиентите и дека се однесувал крајно некултурно, објави „Револуционер.мк“.

Ристова најави темелна истрага за случајот и порача дека нема да дозволи тој да биде заташкан.

Адвокатката истакна дека медиумите „случајно или намерно“ не ја објавиле фирмата каде што почина 38-годишниот работник од Кина.

Таа тврди дека сопственикот, кој го нарече „локален шериф“, го ангажирал работникот, иако не му бил регулиран престојот и работниот однос.

Адвокатката Ристова ја искористи јавноста да му порача на Гечев дека нема да подлегне на притисоци.

„Јас сум адвокатка која својата работа ја темели на закон, на вистина и на правда. Не се плашам од титули, ‘моќници’, ниту ме засега кој од која политичка партија е. Јас сум адвокатка која ќе се погрижи институциите да ја завршат својата работа – законски, транспарентно и до крај. Ќе се отвори секој документ, ќе се разгледа секој доказ, и ќе се чуе гласот на оние кои немаат можност сами да се бранат“ нагласи Ристова.

Таа додаде дека навредите не ја допираат, туку ја мотивираат повеќе.

Газда на фабрика во Кавадарци не ја пушти да влезе адвокатката која застапува фамилија на загинат работник од Кина

БИ МОЖЕЛО ДА ВЕ ИНТЕРЕСИРА

До 100.000 евра за млади брачни парови кои ќе се преселат на село и ќе станат земјоделци, планира Владата

Бурекот најскап во Скопје и Охрид

УЈП: Непречено тече поднесувањето на МПИН пресметките, како се обработуваат, така се испраќаат кодовите до даночните обврзници

Славески од Глобалниот форум на АФИ: Финансиската вклученост е предуслов за одржлив раст и стабилност